Екипата на РК Пелистер и официјално влегува во ново поглавје со назначувањето на легендарниот хрватски тренер Лино Червар за нов предводник на стручниот штаб. Искусниот стратег потпиша двегодишен договор и ќе го води битолскиот тим во сезоната 2025/26.
Од клубот потенцираат дека амбициите остануваат највисоки, а доаѓањето на Червар е јасен сигнал дека „зелено-белите“ сакаат дополнителен исчекор по трите шампионски титули во домашното првенство и настапите во Лигата на шампионите.
„Претставува чест да бидам дел од Пелистер, клуб со богата ракометна историја. Со моето искуство, заедно со играчите и раководството, ќе се обидеме да донесеме нова енергија и идеи, како на спортски, така и на организациски план“, истакна Червар.
Хрватскиот стручњак важи за едно од најголемите тренерски имиња во регионот. Во текот на кариерата ги предводеше селекциите на Италија, Хрватска и Македонија, а на клупско ниво работеше во Загреб и Металург. Со хрватската репрезентација освои олимписко и светско злато, додека во македонскиот ракомет остави длабока трага преку успесите со Металург и националниот тим.
Учество во игри на среќа е дозволено за лица со 18+ години. Играј одговорно!