Леклер најбрз во Белгија за прва победа во Ф1

Возачот на Ферари, Шарл Леклер е победник на трката во Формула 1 за Големата награда на Белгија.

Леклер вчера беше најдобар во квалификациите и денеска тргна од пол-позицијата, па на крајот стигна до првата победа.

Второто место го освои Луис Хамилтон од Мерцедес, кој на крајот имаше задоцнување зад Леклер од 0.981, а последното место на пиедесталот му припадна на Валтери Ботас. 

Себастијан Фетел мораше да се задоволи со четвртото место, а најголем трагичар беше Ландо Норис, кој цела трка беше петти, но неговиот Мекларен откажа во претпоследниот круг. 

Во текот на трката имаше и судир меѓу Макс Ферстапен и Кими Раиконен, по што Холанѓанецот мораше да се откаже.