Легендарен дрес на Пелес продаден за речиси 5 милиони долари (Фото)

Дресот кој Пеле го носеше во финалето на Светското првенство 1958 година е продаден за 4,9 милиони долари на аукција на куќата „Sotheby’s“ во Њујорк.

Тоа е вториот највреден фудбалски дрес некогаш продаден на аукција. Пред него е само дресот на Аргентина кој Дијего Марадона го носеше против Англија на Светското првенство 1986 година, кога го постигна прочуениот гол „Со Божја рака“, и кој во 2022 година е продаден за околу 9,3 милиони долари.

За дресот на Пеле пристигнаа вкупно 10 понуди од повеќе од пет купувачи, со што стана највредниот предмет поврзан со бразилската легенда некогаш продаден на аукција.

Истиот дрес во 2004 година беше продаден за 105.600, што дополнително покажува колку е зголемена неговата вредност во последните две децении.

🇧🇷👕 Дресот кој Пеле го носеше за време на финалето на Светското првенство 1958 година е продаден за 4,9 милиони долари на аукција во Њујорк. 💰 (@BBCSport) pic.twitter.com/NH7lbFNoT3— EuroFoot (@eurofootcom) 20 јули 2026