Шведските обвинители ја завршија истрагата за наводното силување поврзано со францускиот фудбалер Килијан Мбапе, а како причина го наведоа недостатокот на докази.
“Во текот на истрагата постоеше конкретно лице кое беше сомничено за силување и два случаи на сексуален напад, но мојата процена е дека доказите не се доволни за да се продолжи, со тоа истрагата е завршена. Лицето кое беше осомничено не е информирано во врска со сомневањето дека извршило криминал“, соопшти главната обвинителка Марина Чиракова.
Обвинителите никогаш јавно не го именуваа осомничениот, но многу шведски медиуми наведоа дека станува збор за напаѓачот на Реал Мадрид, Килијан Мбапе, кој го посети Стокхолм во октомври, за време на паузата во шпанското првенство.
Коментари
Учество во игри на среќа е дозволено за лица со 18+ години. Играј одговорно!