Контактите веќе се воспоставени: Бензема се враќа во Европа на голема врата

Карим Бензема веќе две години игра во Саудиска Арабија, но се појави информација дека францускиот напаѓач неочекувано би можел повторно да се врати во Европа.

Бензема го изненади фудбалскиот свет кога летото 2023 година реши да го напушти Реал Мадрид и кариерата да ја продолжи во Саудиска Арабија.

Во Реал помина дури 14 години, но на крајот не го продолжи договорот затоа што од Ал Иттихад доби понуда која не се одбива, и се согласи да ја напушти најголемата фудбалска сцена и да замине на далечниот исток.

Бензема има договор со Ал Иттихад до крајот на оваа сезона, но многумина ги изненади информацијата дека тој би можел веќе на зима да се врати во Европа.

Овој 37-годишен напаѓач е на мета на Фенербахче кој е подготвен да направи сè само за да го убеди Бензема да се приклучи на клубот од Истанбул.

Во Фенер не се задоволни од игрите на Џон Дуран кој е на заем од Ал Наср и веројатно истиот заем ќе биде раскинат веќе во јануари, па се обидуваат да доведат напаѓач кој ќе биде лидер на овој тим.

Желбата на раководството на Фенербахче е токму Бензема со кој веќе воспоставиле контакт и се обидуваат да го убедат да се врати во Европа во залезот на кариерата и да потпише договор до летото 2027 година со турскиот великан.