Ќе имаме нов трансфер над 100 милиони евра, еден од најбараните на Мундијалот го избра новиот клуб!

Јан Диоманде, новата голема сензација во светскиот фудбал, за кого Лајпциг веќе одби понуда од 100 милиони евра, одлучи каде ќе ја продолжи својата кариера. Според сè, тоа е Париз Сен Жермен.

Пред Светското првенство, вредноста на Диоманде беше проценета на 100 милиони евра, но Лајпциг ја отфрли понудата од Ливерпул. Никој не може да предвиди колку повеќе ќе се зголеми неговата цена по завршувањето на првенството, бидејќи во дресот на Брегот на Слоновата Коска покажа редок талент со фантастични фудбалски вештини.

За време на Светското првенство, Диоманде постигна договор за условите со новиот клуб. Според реномираниот новинар Фабрицио Романо, тој веќе се договорил за трансфер во ПСЖ и сите детали околу соработката се финализирани.

Диоманде се договорил со ПСЖ за петгодишна соработка, но исто така е спремен да остане на едногодишна позајмица во Лајпциг, за да се „олабават“ односите со клубот со кој има важечки договор.

Останува да се постигне договор меѓу двата клуба за конечната цена. Ако Лајпциг ја одби понудата од Ливерпул од 100 милиони евра (90 милиони фиксно + 10 милиони бонуси), нема сомнение дека ПСЖ ќе мора да ја подобри таа понуда.