Ќе има емоции: Де Хеа се враќа повторно на „Олд Трафорд“

Нема дилема каде ќе биде Давид Де Хеа по завршувањето на оваа сезона. Фиорентина има опција да го продолжи договорот за уште една година, што и ќе го направи ако се има предвид како шпанскиот голман бранеше оваа сезона.

Цела година паузираше Де Хеа, не бранеше никаде по заминувањето од Манчестер јунајтед, а Фиорентина е полн погодок.

Сега дојде времето за неговото враќање на „Олд Трафорд“, но како играч на „виолетовите“.

Манчестер јунајтед договори пријателски натпревар против Фиорентина на 9 август, што ќе биде последната проверка за екипата на Рубен Аморим пред почетокот на првенството.

Фото: Принтскрин