„Казната на Синер е како фудбалер да суспендирате во текот на летото“

Англискиот тенисер Лијам Бруди на интересен начин ја прокоментира суспензијата на Јаник Синер.

По многу месеци драма и шпекулации, Јаник Синер конечно е суспендиран – на три месеци, во период помеѓу два гренслема и точно пред Мастерсот во Рим.

Тоа ги налути многу тенисери – реагираа и Ник Кирјос и Станислав Вавринка, кој изјави дека „повеќе не верува во чист спорт“.

„Сметам дека оваа забрана е насочена на тоа што е можно помалку да влијае на кариерата на Јаник. Суспензијата завршува ден пред Мастерсот во Рим, кој е најголемиот турнир во неговата земја и совршена подготовка за претстојниот Ролан Гарос. Разговарав со некои луѓе и тие ми рекоа дека ова е како премиерлигашки фудбалер да биде суспендиран во текот на летото…“, рече Бруди за “BBC”.