Карл постави рекорд и влезе во историјата на Лигата на шампионите

Фудбалерот на Баерн, Ленарт Карл, стана најмладиот играч во историјата на Лигата на шампионите кој постигнал гол на три последователни натпревари.

Карл е роден на 22 февруари 2008 година и игра на позиции офанзивен играч од средината и крило.

Својот дебитантски настап во Лигата на шампионите го имаше против Пафос порано оваа сезона.

Овој баварски мегаталент веќе постигна погодоци на претходните натпревари во Лигата на шампионите против Клуб Бриж и Арсенал.

Повторно се запиша во листата на стрелците – против Спортинг од Лисабон.

Карл го доведе Баерн во водство од 2:1, откако претходно губеа, и со тоа постави рекорд.

Пред него, ниту еден играч не успеал да постигне три гола во само четири одиграни натпревари.