Капитен на познат клуб претепан до смрт пред својот дом – цела држава бара правда!

Давид Овори, 27-годишниот капитен на СЦ Вила и репрезентативец на Уганда, почина од повредите здобиени за време на разбојнички напад во Кампала.

Угандскиот фудбал е во жалост по смртта на Давид Овори, капитенот на најтрофејниот клуб во земјата SC Вила. Овој 27-годишен фудбалер брутално беше нападнат во близина на својот дом во Кампала. Од здобиените повреди почина следниот ден во болница.

Според досегашните информации од полицијата, Овори бил пресретнат од група разбојници во населбата Макиндије. Напаѓачите се обиделе да му го одземат мобилниот телефон и други лични предмети, а фудбалерот наводно се обидел да им се спротистави. Потоа тие го претепале брутално и го оставиле без свест на улица.

Сведоците тврдат дека напаѓачите користеле калдрма за плочници со која го удирале угандскиот фудбалер. По нападот, зеле негови предмети и избегале пред полицијата и итната помош да стигнат. Овори бил пронајден со тешки повреди опасни по живот.

Првин бил пренесен во блиската здравствена установа, а потоа во приватна клиника во Кампала. Лекарите се бореле за неговиот живот, но повредите биле претеки. Смртта била потврдена во среда, само неколку часа откако SC Вила објавила дека капитенот е во критична состојба.