Kако Енрике го создаде најмоќниот тим во светот? Бекам открива неверојатни детали

Во текот на три години, Луис Енрике успеа да изгради импресивен ПСЖ кој има реална шанса да стане голем европски шампион два последователни пати. Водечките људи на парискиот клуб во него пронајдоа вистинска тренерска моќ, а Дејвид Бекам ги открива неверојатните детали за работата на шпанскиот тренер.

Без никаква дилема, Луис Енрике е најдобриот тренер во светот. Она што Шпанецот го прави со ПСЖ е вистинско чудо и со тимот кој го создаде, руши сè пред себе.

Парижаните минатата година ја освоија европската титула, а сега ја бранат таа круна. Според Дејвид Бекам, зад сето тоа стои неверојатната посветеност на 56-годишниот стратег.

Првиот човек на клубот, Насер Ал-Келаифи, му соопштил дека шпанскиот тренер навистина првата година од престојот во Париз ја поминувал спиејќи влегувајќи во тренинг центарот.

“Зборував со претседателот Насер. Тој ми кажа дека во првата година Луис Енрике навистина спиеше секоја ноќ во тренинг центарот. Работеше на создавање на тимот, се посветуваше на деталите – како сакаше тимот да изгледа, како да игра и кого сакаше во екипата”, вели Бекам и продолжува:

“Претседателот ми рече дека ниеднаш во животот не видел нешто слично.”

Од доаѓањето на Луис Енрике во Париз, тимот успеа да освои дури 11 трофеи. Сега има можност да додаде уште неколку и нема дилема дека неговиот тим е фаворит за секој можен трофеј.

Од видео анализи до индивидуални средби со играчите, Луис Енрике не остава ништо на случајноста и постојано бара начини да го подобри својот тим.

“Тој е тренер кој ќе седи со играчот еден час само за да му објасни еден потег или реакција во одредена ситуација. Тоа е неверојатно. Поради ова играчите го почитуваат, бидејќи гледаат колку е тој посветен и колку навистина живее за оваа работа,” истакнуваат извори блиски на клубот.

Сегашниот ПСЖ не е само збир на звучни имиња, туку пред сè – тим. Луис Енрике успеа она што многумина пред него не можеа – да создаде колектив кој размислува исто и кој е подготвен да се жртвува за заедничкиот успех.

ПСЖ порано беше полн со ѕвезди, но сега има нешто повеќе – карактер и шампионски менталитет. Кога гледате како реагираат откако ќе примат гол или во тешки моменти, гледате екипа која му верува на тренерот и неговата филозофија. Тоа е најголемата разлика во однос на времињата кога тука беа Меси, Нејмар и Мбапе.