Челси официјално објави дека Мојсес Каиседо потпишал нов долгорочен договор со клубот. Договорот е до 2033 година, а фудбалерот добива и значително зголемување на платата. Претходниот договор му истекуваше во 2031 година.
Челси го донесе Каиседо во август 2023 година, кога плати на Брајтон 115 милиони фунти за него. До овој момент, Еквадорецот одигра 140 натпревари за лондончаните и постигна осум гола. Пред еден месец клубот го продолжи договорот и на капитенот Рис Џејмс, кој потпиша до 2032 година.
Исхрана, повреди и тренинг – совети од доктор по спортска медицина | Уште еден поткаст
„Толку сум среќен што го продолжив договорот со Челси. Верувам во овој тим, во овој клуб и знам дека одиме во вистинската насока. Само што започнавме заедно. Сè уште има многу да се постигне, и многу сум гладен да продолжам да се усовршувам секој ден. Сакам да освојам уште трофеи со Челси и да го дадам најдоброто од себе за овој клуб и за навивачите. Веќе уживавме во одлични моменти заедно, а мојот сон е да станам легенда на Челси и ќе работам колку што е можно потешко за да го постигнам тоа.“
Учество во игри на среќа е дозволено за лица со 18+ години. Играј одговорно!