Кајри Ирвинг опериран – го очекува долга пауза!

Kошаркарот на Далас Кајри Ирвинг беше подложен на успешна операција на лигаментите на левото колено.

Ирвинг беше опериран во среда од доктор Рајли Вилијамс, шеф на спортска медицина во Болницата за специјални операции во Њујорк, пренесе синоќа познатиот инсајдер, новинарот на „ЕСПН“, Шамс Чаранија.

Плејмејкерот на Далас ги скина предните вкрстени лигаменти на левото колено, без оштетување на било кој друг лигамент или менискус. Повредата ја здоби на 3 март, за време на првата четвртина на натпреварот против Сакраменто.

Оваа сезона, Ирвинг во просек постигнуваше 24,7 поени, 4,8 скокови и 4,6 асистенции.