Фудбалерите на Рома синоќа не успеаја да се пласираат во четвртфиналето на Лига Европа. Тие беа поразени од Атлетик Билбао на гости со резултат 3:1, па победата од 2:1 од Рим не им беше доволна.
Трагичарот за Рома во Баскија беше искусниот германски дефанзивец Мац Хумелс, кој доби директен црвен картон уште во 11. минута и така ги остави соиграчите на цедило да играат речиси цел натпревар со играч помалку против исклучително силен противник.
До кога ќе дишеме отровен воздух!? | Уште еден поткаст
Хумелс знае дека овој момент беше пресуден, па им се извини на соиграчите и навивачите преку социјалната мрежа „X“.
„Жал ми е. Сакам да им се извинам на навивачите и на соиграчите. Ги изневерив сите со грешка која беше само глупава и ужасна. Ова се натпревари во кои тимот треба да се потпре на мене, а јас погрешив и го уништив сонот за освојување на трофеј. Разочаран сум, како и сите“, напиша Хумелс.
Билбао во четвртфиналето ќе се соочи со Глазгов Ренџерс.
Учество во игри на среќа е дозволено за лица со 18+ години. Играј одговорно!