Хаос во Лејкерси, а за сè е виновен Леброн и неговите барања

Додека трае борбата за НБА титулата и додека вниманието на јавноста е насочено кон завршницата на сезоната, во позадина се одвива приказна која би можела целосно да ја промени иднината на Лос Анџелес Лејкерс. Последниве денови од Америка стигнуваат се повеќе информации за сериозното незадоволство на Леброн Џејмс, а изгледа дека односите меѓу ‘Кралот’ и раководството на Лејкерс никогаш не биле понатегнати.

Леброн ова лето стана слободен агент и првпат по долго време никој со сигурност не може да каже каде ќе ја продолжи кариерата.

Иако многумина очекуваа рутинско продолжување на соработката со Лејкерс, американските медиуми тврдат дека ситуацијата воопшто не е едноставна.

Најголемиот проблем, наводно, е фактот дека Лејкерс не сакаат да му понудат на Џејмс максимален договор, туку се обидуваат да задржат финансиска флексибилност за дополнително да го изградат ростерот околу него и Лука Дончиќ.