Хамилтон му одговори на Верстапен: Секогаш се тркам жестоко, но пред се фер

Oткако Верстапен излета од патеката во трката за Големата награда на Велика Британија во првиот круг, Луис Хамилтон успеа да дојде до победата.

Верстапен кој во овој момент е лидер, a по трката го критикуваше Хамилтон кој ја славеше победата додека тој беше во болница.

„Мило ми е што сум добро. Разочаран сум од начинот на кој ја завршив трката. Казната која беше изречена нас не ни помага и не е праведна во однос на опасниот потег што Луис го направи. Тоа што од болница гледав како се радува е непочитување и неспортско однесување, но да одиме понатаму“,

После објавата на Верстапен следуваше и одоговор од Хамилтон.

„Денес бевме потсетени колку овој спорт е опасен. Му посакувам брзо закрепнување на Макс, кој е неверојатен ривал. Мило ми е што е добро, но јас ќе продолжам да се тркам жестоко и фер пред се. Сон за секого е да победи пред домашната публика“, порача Хамилтон.