Хaланд петти пат по ред е фудбалер на годината во Норвешка

Голгетерот на Манчестер Сити и репрезентацијата на Норвешка, Ерлинг Браут Халанд очекувано е избран за фудбалер на годината во Норвешка.

„Ова е прекрасна и значајна награда за мене, и многу ја ценам. Горд сум што ја освојувам пет години по ред. Годината беше одлична, играв постојано и постигнував голови, што ме прави задоволен. Ја освоивме Премиер лигата, што беше фантастично, и постигнавме многу успеси со тимот“, изјави Халанд.

Минатата сезона, Норвежанецот одигра 45 натпревари за Манчестер Сити во сите натпреварувања, постигнувајќи 38 голови и остварувајќи пет асистенции. Во 2024 година, Халанд го сруши рекордот на норвешката репрезентација за најмногу постигнати голови, со вкупно 38 голови на 39 натпревари за националниот тим.