Сите детали за новиот договор на Вирџил ван Дајк со Ливерпул се утврдени и документите се одобрени од адвокатите на двете страни, објави трансферскиот експерт Фабрицио Романо. Останува само клубот официјално да ја потврди веста, како што направи вчера и со Мохамед Салах.
Контрактот на холанѓанецот исто така ќе биде на две години – до летото 2027 година. Големото прашање е дали клубот ќе ја објави веста уште овој викенд, или ќе го остави тоа за следната недела.
Ливерпул викендов може да ја освои титулата во Премиер лига ↓↓↓
Така Ливерпул ќе го реши проблемот со двајца од тројцата клучни играчи во составот на Арне Слот, чии договори истекуваа. Единствено Трент Александер-Арнолд за сега изгледа дека ќе си замине летово и ќе премине во Реал Мадрид како слободен агент.
Според новинарот Марио Кортегана раководството на кралскиот клуб уште минатиот месец го информирало Карло Анчелоти дека англискиот репрезентативец е сигурно ново засилување на Реал.
Учество во игри на среќа е дозволено за лица со 18+ години. Играј одговорно!