Фудбалерот на Баерн и репрезентативец на Германија, Серж Гнабри, соопшти дека поради повреда ќе го пропушти претстојното Светско првенство, кое ќе се одржи од 11 јуни до 19 јули годинава во Мексико, Соединетите Американски Држави и Канада.
Гнабри пред неколку дена на тренингот со Баерн доби повреда на адукторниот мускул на десната нога. Германските медиуми наведуваат дека по дополнителните лекарски прегледи, утврдено е дека фудбалерот на Баерн го очекува подолга пауза.
„Сезоната со Баерн во која по освојувањето на новата титула во Бундеслигата не очекуваат уште многу натпревари, сè уште трае. Мојот сон за настап со репрезентацијата на Германија на СП е завршен. Ќе навивам за момците дома, како и остатокот од земјата. Сега е време да се фокусирам на опоравувањето и подготовките за новата сезона“, напиша Гнабри на својот профил на социјалната мрежа Инстаграм
.
Учество во игри на среќа е дозволено за лица со 18+ години. Играј одговорно!