Ѓоковиќ доби нова улога заедно со најубавата спортистка на светот

Најдобриот тенисер на сите времиња, Новак Ѓоковиќ, и една од највлијателните спортистки на денешницата, скијачката Ајлин Гу, ќе бидат домаќини на овогодинешното доделување на „Laureus World Sports Awards”. Ова е прв пат во историјата улогите на водители на најпрестижната спортска церемонија во светот да ги преземат двајца спортисти, соопштија организаторите.

Спектаклот, кој многумина го нарекуваат „Спортски Оскар”, ќе се одржи во понеделник, 20 април, во култната градба “Palacio de Cibeles” во Мадрид.

Новак Ѓоковиќ, рекордер со пет освоени Laurius статуети за најдобар спортист во светот и сопственик на 24 Гренд слем титули, ќе ги здружи силите со Ајлин Гу, најнаградуваната скијачка слободен стил во историјата и добитничка на Laurius за 2023 година.

Овој потег на организаторите ја нагласува репутацијата на Laurius како „награда која ја доделуваат спортисти за спортисти”, со оглед на тоа што победниците се одлучуваат од Академијата составена од 69 спортски легенди.