Ѓокерес пристигнува во Арсенал: Ќе го носи легендарниот број на дрес

Виктор Ѓокерес пристигнува во Лондон, каде што денеска ќе ги заврши медицинските прегледи и ќе стане новиот напаѓач на Арсенал.

Топџиите ќе издвојат 73,5 милиони евра за шведскиот репрезентативец од Спортинг, со што конечно ќе го обезбедат решението за позицијата на централниот напаѓач.

Иако Ѓокерес би сакал да го носи бројот 9, тој број останува кај Жесус, па затоа ќе го добие легендарниот број 14, што порано го носеше Тиери Анри.

Ова му носи дополнителен притисок, особено поради историјата на тој број, и останува да видиме дали Ѓокерес ќе успее да ја испише својата приказна на “Емирати”.