Фудбалери на Челси го „бркаа“ Трамп од бината, но тој не се даде: Не сакам, ќе останам да славам со вас (Видео)

Фудбалерите на Челси го освоија Светското клупско првенство, победувајќи убедливо против ПСЖ.

Иако на хартија ПСЖ беше фаворит во ова финале, тимот на Челси сосема заслужено победи.

Веќе по првото полувреме Челси имаше предност од дури 3:0 и беше јасно дека на ПСЖ му треба чудо во вториот дел од натпреварот.

Палмер двапати и Жоао Педро еднаш беа стрелци за Челси во ова финале.

Во второто полувреме од ПСЖ не видовме ништо освен огромна грубост од играчите на овој тим.

Тоа резултираше и со црвен картон за Жоао Невес во финишот од натпреварот, бидејќи без топка ја повлече за коса Кукурела.

По натпреварот следуваше и тепачка и тоа по скандалозниот потег на тренерот на ПСЖ, Луис Енрикe.

Тој, наиме, се доближи до Жоао Педро и прво го фати за врат, а потоа го удри со тупаница во лице.

Сè се смири по неколку минути и следуваше доделувањето на пехарот, што не можеше да помине без Трамп.

Претседателот на САД зачекори на сцената и го додели пехарот, но и „прослави“ со играчите на Челси.

Џејмс и играчите на Челси му кажуваа на Трамп дека треба да се повлече, но тој сакаше да остане. 

„Не, останувам да прославам со вас“, изјави Трамп.

Трамп покрај Џејмс кога го подигнува пехарот хахах 🤣🤣🤣 pic.twitter.com/He24hdT7Ge

— Пол Хјуз (@paulhughes2901) 13 јули, 2025

Фото: Принтскрин