Играчот од средината на Тотенхем, Ив Бисума, настрада во измама која го чинела 950.000 евра, а сè се врти околу сомнителни трансакции на неговата банкарска сметка.
Улични кучиња: Системски или човечки проблем? | Уште еден поткаст
Бисума (29) не успева ниту на теренот, ниту надвор од него во последниот период. По низата повреди, тој падна во немилост на тренерот на Тотенхем и почесто е на клупа, а надвор од теренот ситуацијата не е поразлична.
Во Кан во текот на оваа година му беше украден часовник вреден околу 300.000 евра, а сега е вовлечен во судски процес заради сложена измама во која изгубил 950.000 евра од сопствена банкарска сметка.
Според извештаите на британските медиуми, Бисума наводно загубил 950.000 евра од својот ВИП-сметковен профил во банката Coutts. Губитокот се случил меѓу септември 2022 и јуни 2024 година.
За инцидентот се обвинети Морис Гомес, кој беше уапсен по пријавата што Бисума ја поднел. Гомес се товари за две точки за измама преку лажно претставување, и ако биде прогласен за виновен, може да се соочи со до 10 години затвор.
Судските документи, до кои пристапија британските медиуми, наведуваат дека Гомес наводно “нелегално” ги префрлил парите на Бисума без знаење и согласност на играчот на Тотенхем.
Yves Bissouma had more than £800,000 “stolen” in an alleged fraud from his VIP Coutts bank account#THFC [The Sun] pic.twitter.com/4WuApR8gKj
— The Spurs Web (@thespursweb) November 6, 2025
Поврзаноста на Гомес со Бисума, кој заработува околу 60.000 евра неделно во Тотенхем, не е позната, и не е јасно како Гомес успеал да пристапи до неговата сметка.
Обвинетиот, кој живее во куќа со шест спални соби вредна 1,6 милиона евра во Енфилд, треба денес да се појави пред судот за прекршоци во Хајбери Корнер.
Учество во игри на среќа е дозволено за лица со 18+ години. Играј одговорно!