Фудбалер на ПСВ заврши во изолазија – откриена му е туберколоза!

ПСВ од Ајндховен ја објави информацијата дека еден од фудбалерите на првиот тим има активна инфекција со туберкулоза.

Непознатиот фудбалер се чувствува добро, но е во изолација бидејќи е заразен и опасен за околината откако бил пријавен кај здравствените служби кои презеле сите мерки.

“Еден од играчите на ПСВ е дијагностициран со активна туберкулоза. Свесен е дека се чувствува добро во дадените околности, иако ризикот од инфекција е мал, ситуацијата се следи според стандардните протоколи на GGD. Пулмологот и медицинскиот персонал на ПСВ ги презеле сите неопходни мерки. Започнато е истражување на изворот и контактите, а вклучените страни се информирани. Ќе се следат и применуваат стандардните протоколи, засега нема докази дека луѓето во околината на заразениот играч се исто така инфицирани.

ПСВ го поддржува играчот во неговото опоравување и моли да се почитува неговата приватност. Кога ќе има релевантни ажурирања, клубот ќе ги сподели преку своите официјални канали. Клубот моментално не прифаќа барања за дополнителни информации”, стои во соопштението на клубот од Ајндховен.