Претседателот на Реал Мадрид, Флорентино Перес, кажа дека има планови првпат да го отвори капиталот на фудбалскиот клуб за инвеститори, со цел да ја зачува и зголеми вредноста на клубот.
Влегувањето на малцински акционер со „пет проценти или најмногу 10 проценти“ во капиталот на клубот би претставувало значајна промена во економската структура на клубот, каде членовите до сега беа единствените носители на одлуки.
Се очекува предлогот да биде ставен на гласање на вонредно собрание, чиј датум на одржување сè уште не е објавен.
– Сакаме нашата историска структура да ги преживее идните предизвици и повеќе од кога и да е, потребно ни е нашите 100.000 членови активно да се вклучат во зачувувањето на нашето наследство – рече Перес на генералното собрание на клубот.
Учество во игри на среќа е дозволено за лица со 18+ години. Играј одговорно!