ФИФА почна постапка против Паредес – можна е повеќемесечна суспензија

ФИФА започна дисциплинска постапка поради масовната тепачка која избувна непосредно по завршувањето на натпреварот, а аргентинскиот играч за врска се соочува со потенцијална повеќемесечна суспензија за натпреварите на репрезентацијата.

Паредес беше еден од главните актери во инцидентот на теренот на стадионот Метлајф во Њу Џерси. Камерите забележаа како во конфликтот го турна Ерик Гарсија, а потоа нападна и на Гави.

Аргентинецот поради своето однесување доби директен црвен картон после последниот судиски свиреж, но неговата казна веројатно нема да остане само на автоматска суспензија.

Според пишувањата на светските медиуми, доколку ФИФА утврди дека Паредес намерно физички ги нападнал противничките играчи, може да биде казнет со забрана за играње на најмалку три меѓународни натпревари.