Фетел го порази Хамилтон „дома“ и изби на првото место

Возачот на „Ферари“ Себастијан Фетел е новиот лидер во шампионатот во Ф-1 откако денеска победи на највозбудливата трка оваа сезона ГН на Велика Британија на Силверстоун.

Фетел победи пред актуелниот шампион Луис Хамилтон од Мерцедес, кој во првите километри имаше судир со Кими Раиконен, кој го однесе на последното место по првиот круг, но сепак го извлече максимумот и заврши на второто место.

Иако издржа казна од 10 секунди поради инцидентот со Хамилтон, финскиот пилот на Ферари, Раиконен успеа да се качи на подиумот, откако се избори за третото место.

Фетел со ова ја оствари својата 51-ва победа и сега во Генералниот пласман има 171 поен, пред Хамилтон со 163.