Eмотивна порака од Ѓоковиќ по освоеното злато

Новак Ѓоковиќ успеа да ја исполни големата желба и да дојде до злато на Олимписките игри во Париз откако во финалето го совлада Шпанецот, Карлос Алкараз со 2:0.

По освоеното златоЃоковиќ преку Инстаграм испрати порака до сите во Србија и им се заблагодари што веруваа во него и му даваа поддршка во текот на олимпискиот турнир.

„Никогаш не би можел да се откажам од сонот да освојам златен медал, исто како што и српскиот народ не се откажа од мене. Заедно верувавме во невозможното“, порача српскиот тенисер.