Денес започнува неофицијалното тениско светско првенство или популарниот Вимблдон, иако Карлос Алкараз во овој момент е лидер на АТП листата, сепак за најголем дел од спортската јавност прв фаворит е Новак Ѓоковиќ.
Ѓоковиќ е во низа од четири победи во Лондон и веќе цели десет години нема пораз на натпреварите на централниот терен. Сепак, поранешниот Вимблдон шампион, Германецот Михаел Штих не го гледа Новак како прв фаворит.
„Новак сака и има визија да победи на сите четири гренс-слем турнрии, но извинете на Вимблдон не е прв фаворит. Мој прв фаворит е Карлос Алкараз кој пред неколку дена го освои својот прв трофеј на трева (Квинс). Шпанецот навистина брзо учи и има огромна мотивација“, смета Штих.
Првиот меч на Вимблдон, Ѓоковиќ го игра денес од 14:30 часот.
Учество во игри на среќа е дозволено за лица со 18+ години. Играј одговорно!