Eмоциите беа пресилни: Газдата на Ал Хилал како мало дете плачеше на трибините (Видео)

Претседателот на Ал-Хилал, Фахад бин Нафел, не можеше да ги прикрие емоциите и беше снимен како плаче на трибините по победата на неговиот тим против Манчестер Сити со 4:3 во осминафиналето на Светското клупско првенство.

Ова беше историска победа за саудискиот клуб, имајќи предвид дека Сити беше апсолутен фаворит, но наместо тоа, станавме сведоци на вистинска сензација.

Сити го отвори натпреварот одлично и поведе уште во деветтата минута преку Силва. Во остатокот од првото полувреме, англискиот тим целосно доминираше, но не успеа да постигне втор гол.

🇸🇦 Fahad bin Nafel, presidente del Al-Hilal, rompe en llanto después un triunfo realmente histórico del gigante saudí. No es para menos. pic.twitter.com/OzXp16DX5q

— Nahuel Lanzón (@nahuelzn) July 1, 2025

Казната за промашувањата дојде веднаш на почетокот на второто полувреме кога Ал-Хилал, преку головите на Маркос Леонардо и Малком, го сврти резултатот.

По само три минути, Халанд израмни на 2:2 и тој резултат остана до крајот на регуларниот дел.

Продолженијата донесоа уште драма со три постигнати гола. Прво Кулибали повторно го доведе Ал-Хилал во водство, а Фоден возврати од спротивната страна.

Конечните 4:3 ги постави Маркос Леонардо во 112. минута од натпреварот.

Ал-Хилал во четвртфиналето на Светското клупско првенство ќе се соочи со Флуминенсе, кој претходно го елиминираше Интер. Овој натпревар е закажан за петок во 21:00 часот.