Еден од најдобрите во светот нема да игра на вториот натпревар Баерн – ПСЖ?!

ПСЖ и Баерн им понудија на љубителите на фудбалот ноќ за паметење. Првиот натпревар од полуфиналето на Лигата на шампионите донесе незапаметен спектакл со дури девет голови, а ПСЖ славеше со 5:4.

ПСЖ ќе отпатува во Баварија со мала предност од еден гол за да ја одбрани победата по возбудливиот натпревар на Паркот на принцовите во вторник навечер.

Сепак, вечерта заврши загрижувачки за актуелните европски прваци. Хакими падна држејќи се за тетивата откако се обиде да го запре Конрад Лаимер.

Остана во болка, но беше оставен на теренот затоа што ПСЖ не можел да направи повеќе замени. Мароканецот беше поставен во напаѓачка позиција, за да се спречи да мора да извршува одбранбени спринтови.

Хакими сега ги завршил првите лекарски прегледи од натпреварот. Според Фабрис Хокинс, тие покажале дека не се работи само за грч.

Ако се работи само за обично напрегање ќе се одвива трка со времето за да биде спремен за реваншот против Баерн во среда.

Хакими многу лесно може да го пропушти реваншот, а тоа би бил вистински удар за Париз, бидејќи Мароканецот е еден од најдобрите дефанзивци во светот.

Ворен Заир-Емери би бил природна замена за Хакими доколку тој навистина не биде спремен да настапи на Алијанц-Арена.