Eвертон може да доби нови газди – пола Премиер лига би станала „американска“!

Според последните информации од Островот Евертон е пред добивање на нов газда и тоа американскиот милијардер Мацијек Камински кој е со седиште во Минесота.

Англиските медиуми објавија дека тој е на чекор да го купи клубот за 400 милиони евра. Информациите се дека тој и сегашниот газда Фарах Мошири веќе се во завршна фаза од преговорите, меѓутоа засега проблеми со преземањето прави нестабилниот пазар во Обединетото кралство.

Доколку падне конечен договор за што шансите се големи, треба да помине и процесот на купопродажба и одобрувањето од Премиер лигата. Треба да се спомене и дека во таков случај половина клубови во Премиер лигата би имале американски газди, тој би бил 10-тиот.

Камински е полски државјанин кој во 60-тите се преселил во САД каде што прво работел како инвестициски советник, а потоа инвестирал во недвижности.