Првиот дуел на Лејкерс и Далас по шокантниот трансфер на Дончиќ во тимот од Лос Анџелес му припадна на Словенецот!
Зошто проблемот со улични кучиња СÈ УШТЕ постои? | Уште еден поткаст
Лејкерс пред своите навивачи ги совладаа Маверикс со резултат 107:99, а Лука го заврши својот прв меч против поранешниот клуб со трипл-дабл.
Словенецот имаше проблеми со реализацијата, но тоа не го спречи да постигне одлични бројки на овој натпревар. За 35 минути игра запиша 19 поени, 15 скока, 12 асистенции и две украдени топки. Ова беше неговиот прв трипл-дабл од неговото доаѓање во Лејкерс. Стана само четвртиот кошаркар во историјата на НБА лигата кој во првите пет меча во клубот постигнал двоцифрен учинок во три колони.
Вистина е дека впечатокот беше малку нарушен од неговите шутерски проценти, имаше прилично лоши 6/17 од игра (35.3 отсто), а погоди само една тројка од седум обиди.
Најефикасен во победничкиот тим беше Леброн Џејмс кој го заврши мечот со 27 поени и 12 скока, додека Остин Ривс додаде 20 поени.
Учество во игри на среќа е дозволено за лица со 18+ години. Играј одговорно!