Договор на повидок: Тер Штеген е на чекор од потпис со новиот клуб!

Искусниот германски голман наскоро ќе замине на едногодишна позајмица во Амстердам, а во договорот нема да постои опција за откуп.

Чуварот на мрежата на Барселона, Марк-Андре Тер Штеген, е на чекор до трансфер во Ајакс, пренесува „Скај“.

Според истиот извор, сите страни постигнале начелен договор и се очекува наскоро трансферот да биде официјално потврден.

Ајакс успешно ги договори условите на соработка со Барселона и германскиот репрезентативец. Останува само да се завршат последните административни детали пред да се потпише договорот.

Тер Штеген ќе пристигне во Амстердам на едногодишна позајмица. Во договорот меѓу двата клуба нема да има опција за откуп на неговиот договор.

Тоа значи дека искусниот голман би требало да се врати во Барселона по завршување на следната сезона, освен ако во меѓувреме не се постигне нов договор помеѓу сите страни.

Според информацијата на Sky Germany, ако не настанат непредвидени компликации, Тер Штеген ќе ги заврши медицинските прегледи следната недела, по што ќе потпише договор со Ајакс.

За 34-годишниот голман, овој трансфер претставува можност да биде постојан член на првата постава. Редовната играчка пракса би му помогнала и да го задржи местото во германскиот национален тим пред големите меѓународни натпревари.

Ајакс, од друга страна, ќе добие еден од најискусните европски голмани, кој зад себе има богата кариера во дресот на Барселона и германската репрезентација.

Неговото искуство треба да претставува големо засилување за амстердамскиот клуб во текот на наредната сезона.