Детали за најбизарниот отказ: Шпанецот се заклучил во соблекувална

Најбизарната фудбалска приказна на сезоната доби ново поглавје.

Хуан Бернабе (56), Шпанец кој беше задолжен за работа со маскотата на клубот Лацио, орелот Олимпија, се заклучи во просториите на клупскиот тренинг-центар.

Да потсетиме, Бернабе доби отказ во римскиот клуб затоа што на социјалните мрежи објави снимки и фотографии од својот полов орган по вградувањето на протеза.

Италијанскиот прволигаш неговата одлука ја сметаше за шокантна и реагираше со раскинување на договорот со него.

Откако се дознало дека неговата операција ја извршил клубскиот лекар Габриеле Антонини, отказ му е даден и на него.

Меѓутоа, Бернабе реши да не си оди тивко и мирно.

Според италијанскиот спортски дневен весник “Кориере дело Спорт”, тој се заклучил во клубскиот тренинг-центар за фудбалери и одбил да си замине.