Дарио Ивановски со историски подвиг – нов национален рекорд на 10.000 метри

На денешната трка од националниот Куп, која се одржа на Националната арена „Тодор Проески“ во Скопје, македонскиот атлетичар Дарио Ивановски постави нов национален рекорд во дисциплината 10.000 метри, притоа испишувајќи историја во македонската атлетика.

Ивановски стана првиот атлетичар од Македонија кој успеал да ја истрча оваа делница на атлетска патека за помалку од 30 минути – нешто што досега никому не му успеало на национално ниво.

Со време од 29:31.28 минути, тој не само што го подобри претходниот рекорд, туку и постави нов репер за идните генерации.

Фото: Igor MC Jakimovski/FB