АРСЕНАЛ славеше со 2:0 против Брајтон во осминафиналето од EFL купот. Тимот на Микел Артета, кој е на врвот во Премиер лигата, ја освои победата преку погодоци на Итан Нванери и Букајо Сака во второто полувреме. Во четвртфиналето ќе се сретнат со Кристал Палас, кои со 3:0 го совладаа Ливерпул.
Со тоа, Арсенал го заокружи феноменалниот октомври, во кој постигна шест победи во сите натпреварувања, со вкупна гол-разлика од 12:0. Пред триумфот против Брајтон, Арсенал редоследно ги победи Вест Хем (2:0), Фулам (1:0) и Кристал Палас (1:0) во Премиер лигата, како и Олимпијакос (2:0) и Атлетико Мадрид (4:0) во Лигата на шампионите.
Данска vs. Македонија: Како тие се справуваат со отпадот, додека ние се расправаме кој е крив?
Според податоците од аналитичката компанија OPTA, Арсенал стана првиот прволигашки тим во Англија кој во еден месец одиграл најмалку шест натпревари и победил во сите без да прими гол. Со ова се создаде историја во англискиот фудбал, а следниот натпревар на лондонскиот тим е на 1 ноември, кога ќе гостува кај Барнли во Премиер лигата.
Учество во игри на среќа е дозволено за лица со 18+ години. Играј одговорно!