КОШАРКАРИТЕ на Денвер Нагетс поведоа со 1:0 во серијата полуфинале на плејофот на Западната конференција откако на гостувањето ги совладаа Оклахома Сити Тандер со 121:119 со тројка на Арон Гордон четири секунди пред крајот на натпреварот. Финалето на конференцијата ќе го избори тимот што прв ќе стигне до четири победи.
Шај Џилџис-Александер и Никола Јокиќ, двајцата најистакнати кандидати за наградата MВП ја одиграа првата пресметка во плејофот, а победи српскиот кошаркар, трикратен добитник на наградата за најкорисен играч на основниот дел од сезоната.
Воздухот што нè убива: Зошто Скопје е меѓу најзагадените градови?
Јокиќ го заврши натпреварот со 42 поени, 22 скока и шест асистенции. Џилџис-Александер одговори со 33 поени, 10 скока и осум асистенции.
Одличен беше и Гордон за Денвер, кој, откако забиваше со звукот на сирената за победа на Нагетс во четвртиот натпревар против Клиперси, повторно ја искористи последната топка на натпреварот. Погоди тројка од левата страна четири секунди пред крајот и го претвори заостанувањето на Денвер 118:119 во победа. Постигна 22 поени и имаше 14 скока.
.AARON GORDON GAME WINNER. 🔥🔥🔥
— Hoop Central (@TheHoopCentral) May 6, 2025
pic.twitter.com/pIxslT2J94
Учество во игри на среќа е дозволено за лица со 18+ години. Играј одговорно!