„Човек кој чува овци не може да има авторитет врз судијата што ја оштети Звезда”

Фудбалерите на Црвена звезда беа поразени од тимот на Милан со 1-2, во рамките на шестото коло од Лигата на шампионите.

Според сè прикажано на Сан Сиро, избраниците на Владан Милојевиќ заслужија повеќе од пораз, барем еден бод, а по натпреварот сè уште се зборува за победничкиот гол на Милан, кој беше постигнат по очигледен прекршок.

Целата оваа ситуација ја коментираше и стручниот консултант на „ТВ АренаСпорт“, инаку легендарен српски судија, Здравко Јокиќ.

– Овде е очигледно прекршокот врз Спајиќ. Не знам што гледаше ВАР, да не беше Спајиќ турнат, голот не би постоел. Очигледно е дека Звезда е оштетена. На голот му претходеа дури два прекршока, Џига беше повлечен за дрес и соборен – започна Јокиќ, па продолжи:

– Не смееме да заборавиме дека главниот шеф на судиите е Росети, значи Италијанец. За набљудувач на судиите беше одреден човек од Фарските Острови. Да човек од таква лига, каде што чуваат овци, оценува врвен судија? Тој нема авторитет и кариера. Не може да му каже на судијата грешките ти се ова, тоа и тоа… Го знам тој набљудувач од семинари, беше трета категорија. Разочарувачко е сето ова – рече Јокиќ.