Челси веќе мисли на јануари: Има голем план

Челси подготвува голема офанзива за напаѓачот на Атлетико Мадрид, Хулијан Алварез, но во зимски преоден рок.
Лондонскиот клуб пројавил сериозен интерес за аргентинскиот фудбалер и ја гледа можноста да искористи неповолните околности и несогласувањата кои тој ги има во шпанската престолнина.

Во текот на минатото лето, Алварез беше во центарот на вниманието поради желбата да ја промени средината, но Атлетико ги одби сите понуди и одлучи да го задржи во своите редови.

Управата на Стамфорд Бриџ го гледа поранешниот играч на Манчестер Сити како идеално решение за напаѓачката позиција и се подготвува да направи богата понуда за неговите услуги.

ЕКСКЛУЗИВНО 💣💣💣

Џулијан Алварез останува во Атлетико Мадрид… ЗА СЕГА.

Но, Челси испрати директно предупредување:
„Ќе тргнеме по него во јануари.“

Разговорите веќе започнаа. Потерата е отворена.

Јануари стана опасен. 🔥 pic.twitter.com/BfnxLpWZqk

— indykaila News (@indykaila) September 1, 2026

Сепак, реализацијата на овој потег во јануари нема да биде едноставна, бидејќи Диего Симеоне сè уште смета на својот клучен напаѓач.

Дополнителна пречка за Сините претставува и интересот од конкурентските клубови како Барселона, кои внимателно ги следат активностите во Мадрид.

Островските медиуми наведуваат дека Челси ќе мора да понуди астрономска сума за да го убеди раководството на Јорганджиите.

Претстојниот зимски трансфер период ќе даде конечен одговор на прашањето дали одличниот Аргентинец ќе се врати на англиските терени.