Челси ќе покаже голема почит кон Ливерпул пред дербито на „Стемфорд бриџ“

Ливерпул официјално се круниса како шампион на Премиер Лигата, но ќе одигра уште четири натпревари до крајот на сезоната, при што се очекува од противниците да ја задржат традицијата на „почесен шпалир“.

Челси го пречекува Ливерпул в недела, со тоа што ова ќе биде првиот натпревар за Црвените откако беа крунисани како шампиони. Нивната победа од 5-1 над Тотенхем ја запечати титулата на Премиер Лигата – која беше долго очекувана.

Екипата на Арне Слот го диктираше темпото во поголем дел од кампањата и нивната конзистентност им овозможи да остворат удобна предност. Последните недели прашање беше кога, а не дали – ќе бидат официјално крунисани. Сега Ливерпул може да ужива во завршните недели од сезоната.