Борозан ќе игра и во четврти македонски клуб?

Вуко Борозан е на чекор до нова промена на средината и преселба во редовите на Алкалоид, пренесува „Моцарт Спорт“.

Според информациите, Борозан до крајот на актуелната сезона ќе остане дел од тимот на Охрид, по што ќе ја продолжи кариерата во екипата предводена од Кирил Лазаров.

За искусниот лев бек ова ќе биде четврти клуб во македонскиот ракомет, откако претходно настапуваше за Вардар, Металург, а во моментов ги брани боите на Охрид.