Борнмут официјално го ангажираше бразилското крило Рајан од Васко Да Гама во договор вреден малку над 30 милиони фунти, соопшти клубот.
„Црешките“ ќе платат фиксна сума од 24.7 милиони фунти сега, а уште 5.6 милиони можат да бидат достигнати преку вклучени во договорот бонуси за достигнувањата на играчот. 19-годишниот фланкер ќе има тешка задача да го замени Антоан Семењо, кој пред десетина дена беше продаден на Манчестер Сити.
Од „Скај Спортс“ дополнуваат дека Рајан има клаузула за ослободување во износ од 86.8 милиони фунти (100 милиони евра). Талентираниот млад играч дебитираше со тимот на Васко Да Гама во 2023 година и досега има постигнато 16 гола и 1 асистенција во 64 натпревари со тимот.
Учество во игри на среќа е дозволено за лица со 18+ години. Играј одговорно!