„Бомба“ на повидок: Легендарниот Рикардињо прави трансфер во регионот?!

Футсалот можеби не е најзастапениот спорт во медиумите, но е меѓу најпопуларните во Србија, а љубителите на малиот фудбал во соседството би можеле да уживаат во игрите на еден од најдобрите играчи на сите времиња во продолжението од сезоната.

Имено, Meridian sport пренесува дека легендарниот Рикардињо (39) е во преговори со КМФ Смедерево за ангажман до крајот на сезоната, што наишло на согласност и од страна на фудбалерот.

Истот извор наведува дека целата работа ја кочат финансиските услови на Рикардињо кој по заминувањето од италијанскиот Еко сити стана слободен играч, па останува да се види дали шесткратниот освојувач на наградата за најдобар футсалер на светот навистина ќе дојде во Србија.

Смедерево во овој момент е четвртиот тим во првенството на Србија, пред него се ФОН Бањица, Лозница и нишкиот Винтер спорт, но доаѓањето на Рикардињо во градот на Дунав сигурно ќе ги зголеми шансите за пласман на врвот на табелата.