Без Клоп и Мурињо: Познати кандидатите за тренер на годината во Премиер лигата

Фудбалската асоцијација на Англија го објави списокот на имиња кои ќе бидат кандидати за тренер на сезоната во Премиер лигата.

Она што е посебно интересно што на листата ги нема Жозе Мурињо, Јирген Клоп и Маурисио Покетино, додека изоставувањето на Конте и Венгер е повеќе од очекувано.

Пеп Гвардиола ја предводи листата и скоро и да нема дилеми дека ќе ја однесе оваа награда после неверојатната сезона со Манчестер Сити.

Следи Шон Дајс кој имаше одлична година со Барнли, Рој Хоџсон кој го препороди Кристал Палас, па Крис Хјутон (Брајтон) и Рафа Бенитез (Њукасл).