Бернардо Силва ќе потпише со Барса во наредните денови

Барселона е блиску до потпишување со играчот од средниот ред Бернардо Силва, чиј договор со Манчестер Сити истекува ова лето, тврдат новинарите Џанлуиџи Лонгари и Карлос Монфорт. Каталонците се чекор понапред во постигнување договор со 31-годишниот Португалец.

Трансферот е одобрен од главниот тренер Ханзи Флик. Се очекува агентот на играчот – Жорже Мендеш, да се сретне со управата на Барселона следната недела за да ја финализираат зделката.

Во април, Бернардо Силва го објави своето заминување од Манчестер Сити на крајот од сезоната. Тој беше дел од клубот од 2017 година. Португалецот одигра 460 натпревари за клубот, во кои постигна 76 голови и даде 77 асистенции.

Во неодамнешниот период, во битката за потписот на искусниот играч се вклучија Јувентус и Атлетико Мадрид, но речиси е сигурно дека тој ќе ја продолжи кариерата на „Камп Ноу“.