Белингам го шири царството – купи акции во клуб за 920.000 евра

Џуд Белингам ги шири своите деловни интереси надвор од фудбалот. Англискиот репрезентативец и играч од средниот ред на Реал Мадрид, според британските медиуми, купил 1% од уделот во крикет-франшизата Бирмингем Феникс. Вредноста на зделката се проценува на околу 800 илјади фунти (околу 920.000 евра). Белингам купил 0,5% од уделот на Ворвикшир (51%) и дополнителни 0,5% од уделот на американската група Knighthead Investment Management, која лани платила 40 милиони фунти за 49% од сопственоста.

Knighthead е исто така сопственик на фудбалскиот клуб Бирмингем Сити, во кој Белингам ја започна својата кариера пред да замине во Борусија Дортмунд како 16-годишник во 2020, а потоа во 2023 во Реал Мадрид.

Како дете, Белингам беше голем љубител на крикетот. Играл во Hagley Cricket Club во Ворчестершиp, а претседателот на клубот Марк Бејкер уште во 2024 за Daily Mail Sport рече дека Џуд “од мали нозе беше природно роден играч на крикет”.