Барса направи „чудо“, Атлетико со пресврт, Ливерпул перфектен🎥

Барселона направи историски пресврт против Бенфика и победи со 5:4, Атлетико го доби дебито со Леверкузен, а Ливерпул е перфектен во Лигата на шампиони.

Барселона катастрофално го започна мечот против Бенфика. Голманот Шчешни направи големи грешки, па на полувреме имаа негатива од 3:1.

Во вториот дел Бенфика повторно имаше два гола предност на 4:2 на дваесет минути до крајот, но Барса успеа да направи „чудо“ и дојде до голема победа од 5:4.

Атлетико исто направи пресврт против Леверкузен, иако остана со ирач помалку во раната фаза од мечот, но Алварез со два гола донесе голема победа за „јорганџиите“.

Болоња славеше над Борусија Дортмунд со 2:1, ПСВ ја победи Црвена Звезда со 3:2, а Јувентус и Бриж одиграа меч без голови. Ливерпул остана единствен тим со седум победи во исто толку меча.