Бaерн на чекор до нокаут фаза, суперталентот повторно блеска

Баерн Минхен веќе го допира пласирањето во топ 8 на Лигата на шампионите, откако го совлада Спортинг Лисабон со 3:1 во натпревар од 6-тиот круг на главната фаза на турнирот.

Баварците беа сериозно затруднети од својот противник во првите приближно час време на дуелот, по што во 54-та минута Јошуа Кимих даде автогол, давајќи предност на Португалците. Сепак, потоа рекордните германски шампиони реагираа како ужилени и брзо успеаја да направат пресврт со погодоци на Серж Гнабри (65′), суперталентот на тимот Ленарт Карл (69′) и Јонатан Та (77′).

Голгетерот на Баварците Хари Кејн овој пат запиша само удар во страничната статива и уште неколку удари.