Атлетико има интерес за Осимен

Атлетико Мадрид размислува за привлекување на напаѓачот на Галатасарај Виктор Осимен, поради неизвесноста околу иднината на Хулиан Алварес, кој е поврзуван со Барселона, тврди „АС“.

Манчестер Јунајтед, Арсенал и Пари Сен Жермен исто така покажуваат интерес за 27-годишниот Нигериец.

Осимен е во Галатасарај од летото 2025 година. Минатата сезона тој одигра 33 натпревари, постигна 22 гола и направи 8 асистенции. Неговиот договор со турскиот гранд истекува во летото 2029 година.

Наскоро селекторот на Нигерија, Ерик Шеле, навести дека Осимен најверојатно ќе има нов клуб, но самиот фудбалер ги отфрли шпекулациите за претстојниот трансфер.